絲絲講場：輪后林燕玲「飛」一般升職

渣打今年初向企業證券部「開刀」，話唔打擊公司內部士氣就假，不過絲絲聽聞渣打銀行（香港）認股證及牛熊證銷售副董事、人稱「小飛俠」嘅渣打輪后林燕玲（Ruby）升職啦。

紮職董事 下月生效

不過，Ruby升任渣打認股證及牛熊證銷售董事呢個消息，暫時僅限內部公布，四月才生效，所以仲未印新卡片。Ruby都算係渣打窩輪業務開國功臣，渣打張輪枱一○年開，唔夠一年就請到財經台台柱Ruby過檔，出任股票衍生及中介銷售部認股證銷售副董事。

加入渣打四年，Ruby不時同散戶交流，佢講市場動態與分析輪證投資策略，淡定兼口才好，又主持窩輪投資講座，不知幾多fans，絲絲仲知佢好勤力，每日睇唔少政治同財經新聞，直頭係渣打窩輪嘅生招牌。

至於「小飛俠」個朵，源於當年佢初做新聞主播時，額前有撮頭髮加埋眼仔精靈，似足小飛俠，所以畀同事起咗呢個花名。

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

岳少羅致小飛俠林燕玲

步入2016年不久，經民聯青年事務委員會上周就大搞派對，讓一眾青年委員聯繫聚首，地點就選在經民聯監事會主席林建岳旗下，位於中環置地廣場的意大利餐廳Ciak舉行，岳少三女林愛兒仲不時滿場飛，大拍selfie。岳少、經民聯主席梁君彥、副主席林健鋒和秘書長石禮謙，都有捧場。

參加派對的，還有一副熟悉的面孔，就是前主播，綽號「小飛俠」的林燕玲（見圖）。據聞另一靚女主播張寶華已無打岳少工，小飛俠就接棒加盟岳少旗下。
       
經民聯最近更與女主播有緣，林健鋒的獨子林凱章（Victor），前天就被拍到在台北與另一無線前女主播周嘉儀把臂同遊，周嘉儀亦承認剛開始拍拖。據聞，林健鋒一向少看八卦新聞，事前不知有周嘉儀這名主播，阿仔亦向來獨立，沒有透露戀情。

「Fit馬」快抱孫 猴年雙喜臨門

新年伊始，馬時亨「雙喜臨門」，不單止喺元旦日上任港鐵主席，仲就快榮升外公，在猴年抱孫，實在可喜可賀！馬時亨（Fit馬）出席大女馬露明（Christine）嘅教育中心擴充典禮，Fit馬春風滿面全場飛，不停代囡囡多謝到場嘉賓。
 
Christine致辭時話，爸爸嘅職業生涯遇到不少挑戰，但憑住毅力都走過o左，視佢為一個學習對象，Fit馬聽到囡囡咁樣讚自己，笑到哈哈聲，仲好肉緊咁錫o左囡囡面珠墩一啖，父女情深，小妹在場都覺得甜到漏呀！
       
但相信Fit馬今年最開心嘅事莫過於抱孫啦！女婿劉仲恒披露，與Christine即將迎來第一個小朋友，但心痛太太為o左擴充教育中心而操勞，所以瘦o左。佢話，去年底同太太去o左泰國曼谷Babymoon兼倒數，享受二人世界。

頭條日報 ｜ 2016年1月11日

林燕玲 Facebook: https://www.facebook.com/lamyinling
林燕玲IG: https://www.instagram.com/lamyinlingruby/
林燕玲微博: http://www.weibo.com/lamyinling

中環在線：全功能視像櫃員機首登場 有真人回覆 設於富邦灣仔分行

銀行界又有新玩意嘞，富邦銀行早前翻新灣仔分行，新增一個全港首創全功能嘅視像櫃員機（i-Teller），可以提錢存款，仲有位職員透過屏幕提供查詢服務。之不過，既然去到分行可以搵真人幫手，點解要對住個屏幕呢？中環人嘅感覺都麻麻哋。

陸叔：好少落分行

剛離開渣打嘅「小飛俠」林燕玲（Ruby）聽到i-Teller，劈頭第一句就問：「同普通ATM有乜分別？」其實佢除咗現金提存，仲做到好多查詢服務，例如查詢滙率、息率，都有人即時答覆，理論上較為貼心。但Ruby話，𠵱家已經好少去銀行分行，通常使用網上銀行，所以呢，視像櫃員機與真人，對佢冇乜分別。

獨立股評人陳永陸（陸叔）貪得意，最初就話出咗會試吓，過吓癮，但諗多陣，佢發覺自己已經好少落分行，好少用ATM機，連現金都好少用，乜都係用信用卡，或者以易辦事搞掂，所以應該冇乜機會試咁話。

好多人又提到，東亞銀行（023）一早都有部i-Teller，不過東亞嗰部查詢性質居多，富邦嗰部就乜都做得，可惜富邦呢部i-Teller同銀行營業時間一樣，晚上都係冇得用。
富邦香港零售銀行部主管葉嘉敏（Carmen）話，正跟廠商NCR研究，希望銀行關門後，將佢變做一般ATM咁用，但暫時技術未得住。

至於可否24小時都有真人服務，富邦方面就話要跟金管局研究，因可能有保安問題。同埋佢話部機唔平，貴過ATM三成，但慳到成本，舖都可以租細啲。

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

傳加盟岳少集團！「小飛俠」林燕玲咁樣答…

渣打（2888）衍生工具部上個月結束，結果令大台新聞部出身，靚靚前主播「小飛俠」林燕玲（Ruby）要告別渣打。不過Ruby唔止睇得，仲係實力派，根本不愁出路。

今日《頭條日報》就指，收到風Ruby即將加入林建岳（岳少）旗下嘅麗新集團，但未有講佢會做咩工作。不過，Ruby接受《蘋果》查詢時就繼續賣關子，話關於佢嘅去向，適當時候會有公佈，叫大家繼續留意佢facebook page咁話。

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

小飛俠林燕玲飛象過「岳」

東周刊

碧咸到場個個變粉絲 前主播林燕玲路過追住影

今晚萬人迷碧咸訪港，喺私人停機坪型爆出閘，佢今晚會去中環嘅私房菜「好酒好蔡」食飯，今晚7點幾劉嘉玲同前特首曾蔭權夫婦已經到場，問曾蔭權係咪約咗碧咸食飯?佢就冇答。

記者再問嘉玲陣間見到碧咸會唔會selfie?佢笑言:「梗係唔會啦。」萬人迷一出人人都變小fans，前主播林燕玲喺現場化身追星族影相，問佢嚟呢度做問，原來佢收工落到門口見到咁多記者，問發生乜事，一知道係碧咸嚟咗就留低追星，唔知佢會否成功selfie到呢?

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

加盟岳少集團！「小飛俠」林燕玲做副總裁

渣打（2888）衍生工具部結束後，靚靚前主播「小飛俠」林燕玲（Ruby）一直對佢嘅去向賣關子。今日Ruby向本報證實，加入麗新集團做傳訊部副總裁。不過嚟緊主要工作係咩，同埋仲會唔會見到佢出鏡，Ruby就話今日先第一日正式番工，詳情日後會再講多少少俾大家知。

麗新集團旗下有5間上市公司，包括麗新發展（488）、麗新發展（191）、豐德麗（571）、麗豐（1125）、寰亞傳媒（8075）。

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

前女主播小飛俠加盟岳少公司

岳少林建岳出任旅發局主席，又係經民聯監事會主席，仲搞埋「香港文化協進智庫」，動作都唔少，似乎都幾有心在政界發揮吓。

要做出成績都要搵猛人幫忙，當中唔少係傳媒高層，好似人稱警長的信報陳景祥，還有《文匯報》 前總編輯李曉惠，除咗老總級人馬，亦有美女主播。幫CY競選的前女主播洪綺敏就幫過岳少一段時間，依家已離職，Ariel聽聞今日又有前美女主播加盟，係有小飛俠外號的前now財經台主播林燕玲。

林燕玲當年同趙海珠在無綫新聞部，係紅極一時的新聞主播，其後轉投NowTV，2010年加盟渣打，出任股票衍生及中介銷售部認股證銷售副董事，口才好兼淡淡定，成日主講窩輪投資講座。

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

「小飛俠」參觀恒地利奧坊‧曉岸示位

身兼「小飛俠」、「窩輪女神」雙重身份的林燕玲離開渣打銀行後，趁暫時未有新搞作，特地到中環，參觀恒地（0012）「四叔」李兆基旗下大角嘴新盤利奧坊‧曉岸的示範單位，並由恒地營業（二）部總經理韓家輝親自接待，但就未清楚她是否有入票認購。韓家輝表示，「小飛俠」是他要好的朋友，因而前來捧場參觀；話時話，另一前新聞女主播趙海珠之前亦曾加盟營業（二）部工作過一段時間，未知韓家輝今次會否邀請「小飛俠」加盟恒地呢？

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

「小飛俠」加盟麗新今晚以新身份出席經民聯晚宴

財經界一向有「小飛俠」之稱的林燕玲(Ruby)，10月底才因渣打重組結束窩輪業務，而加入失業大軍，但今日已正式返新工，加入了麗新集團，作為傳訊部副總裁。

雖然今日係第一日番工，Ruby話，遲下再講新工作嘅詳細分工及安排，但據Ruby 講，今晚將以新身份，去出席公開場合「經民聯三周年慶祝晚宴」。

現時麗新集團旗下共5間上市公司，包括麗新發展(0488)、麗新發展(0191)、豐德麗(0571)、麗豐(1125)，以及寰亞傳媒(8075)。






林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

林燕玲指已離開渣打 「小飛俠」去邊？遲下話俾大家知

人稱「小飛俠」的渣打股票衍生及中介銷售部窩輪銷售董事林燕玲於 Facebook 說：「各方好友，多謝你地關心，如新聞報道所講，我離開渣打了。小飛俠黎緊飛去邊？遲下話俾大家知。」

渣打集團(02888)較早前公布,今日起結束衍生工具部,即結束窩輪及牛熊證業務,其大中華區股票結構性產品及認股證銷售主管翁世權之前亦於 Facebook 確認,由今日起已離開渣打,主要因公司重整架構關係,而所屬股票衍生產品部亦將逐漸結束營運。 (BC)

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1

靠理想賺錢談何容易

都市日報P26  |   財經  |   中環伊人  |   By 林燕玲  

上星期日到文化中心，欣賞改編自漫畫的《火鳳燎原》舞台劇，向來甚少欣賞舞台劇，令我入場的原因只得一個，就是得到好友兼出品人黃國隆Branco的邀請。數年前在工作時認識Branco，在我眼中，他的身份是財經記者，與舞台劇拉不上半點關係，因此當他邀請我看劇時，我還以為他會粉墨登場或玩票性質，但當得知他是出品人，當下非常好奇。

像A2這種沒有資助的中小型獨立劇團，要面對場地得來不易的問題，而且要經過一番計算。大概有不少人都曾經夢想過，將興趣或喜歡的事物轉化成生意，但我以為真正實行的人應該不多，而且以這種心態做生意，成功賺到錢或做到有規模的，更是少之又少，故此，一到場便捉住他，要他分享經驗。

「遇到的難題分兩方面，一是資金，二是場地，要做到不用蝕本不易，場地所限，我們只能演出4天(合共6場)，加上座位僅三百多，回本不易，幸好找到贊助商才減輕壓力。」

說回此劇，飾演陳宮的郭鋒，演技精湛無用多說，一開口就有壓場感，另外，由鄧智堅演的「二奇荀彧」亦令人印象難忘，至於說到我個人最喜歡的一場，是荀彧游說陳宮一幕，戲味十足，今次買不到飛的觀眾，惟有期望有二度公演。

林燕玲（逢周四見報）人稱「小飛俠」，專欄作家，曾任職銀行董事、電視台新聞主播及記者

林燕玲指已離開渣打 「小飛俠」去邊？遲下話俾大家知

<匯港通訊> 人稱「小飛俠」的渣打股票衍生及中介銷售部窩輪銷售董事林燕玲於 Facebook 說：「各方好友，多謝你地關心，如新聞報道所講，我離開渣打了。小飛俠黎緊飛去邊？遲下話俾大家知。」

渣打集團(02888)較早前公布,今日起結束衍生工具部,即結束窩輪及牛熊證業務,其大中華區股票結構性產品及認股證銷售主管翁世權之前亦於 Facebook 確認,由今日起已離開渣打,主要因公司重整架構關係,而所屬股票衍生產品部亦將逐漸結束營運。

林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1