林燕玲,人稱「小飛俠」,有著「飛」一般的職場生涯,大學生化系畢業,曾投身主播行列數年,之後轉職英資金融機構,現任上市公司傳訊部,經常活躍與不同媒體品牌活動,擔任大型活動司儀,節目主持。
星期一, 7月 11, 2016
【地產爆谷】小飛俠林燕玲「處女」硬銷藍塘傲
地產商如果聘用一位美女做公關阿頭,吸睛程度絕不低於一個靚靚示範單位。「岳少」林建岳旗下嘅麗展(0488)與郭炳湘合作的將軍澳新盤藍塘傲,今日首度作宣傳,就出動公關部「秘密武器」、擁有眾多粉絲嘅集團傳訊事務副總裁林燕玲(Ruby Lam Yin Ling)登場,而成亮點之一。
好多人應知道,外號「小飛俠」嘅林燕玲冇做新聞主播後曾轉戰渣打銀行,舊年10月冇做銀行後、於12月加入麗展公關部。
一身行政套裝嘅「小飛俠」,今日狀態大勇,令不少男記者及代理目不轉睛;佢同小記講,加入麗展大半年,仲話覺得工作開心同充實喎。雖然佢話之前都有出席麗展其他宣傳活動,但作為小粉絲嘅小記就記得,今次應係「小飛俠」首次出席麗展香港新盤嘅宣傳,真係令小記喜出望外。話時話,「小飛俠」林燕玲與其他地產商嘅關係都唔錯嫁,如舊年底就曾到恒地既大角嘴新盤利奧坊‧曉岸參觀,仲由恒地營業(二) 部總經理韓家輝親自招呼佢添。
至於今天記者會另一亮點,是林建岳女兒、現為麗豐控股(1125) 高級副總裁的林顥伊亦有現身。這位「八十後太子女」表示,項目命名為藍塘傲,是因為屋苑可傲視藍塘海峽的優美海景。林顥伊今次並非首次接觸地產業務,資料顯示,林之前亦曾參予麗展系珠海橫琴的地產發展項目工作。
明報即時地產新聞|記者:方可兒
http://www.mpfinance.com/fin/instantp2.php?node=1468223772002&issue=20160711