這幾天，偶爾想起母親的教誨：凡是遇上大跌市，若見到身邊朋友苦口苦面，或臉上流露失意，就不要主動同人家談論股市或投資方面，因為你未必知道，別人是否因為投資輸了錢而不快，若真的說中了，就等於在別人的傷口上灑鹽。
近日不見有朋友失意，大概大家早就收手，倒是平日甚少買賣的朋友，對股市似多了留意，不時被問到：「大市估值夠低？」、「是時候撈貨？」恒指現水平較去年高位低近三成，確是吸引，但何時入市就考眼光，任誰都想低位買貨，但又怕坐艇，點做好？
炒股同做人一樣，有時候都會迷失方向，或對自己無信心，不要緊，最緊要是身邊有明燈，而且最好有兩盞，一盞是明知他買甚麼都輸，看甚麼都錯，跟他相反方向做，另一盞是看甚麼都準，大部分時候都賺的投資高人，跟隨他的步伐，You jump I jump，當成另類指標。
林燕玲
人稱「小飛俠」，專欄作家，曾任職銀行董事、電視台新聞主播及記者
