翁世權拉攏有前科
「小飛俠」過檔渣打有啲令人喜出望外，但認真諗吓，其實絕對係有迹可尋，皆因將佢羅致旗下嘅，係曾搵過前電視新聞主播趙海珠做窩輪生招牌嘅渣打股票衍生及中介銷售部窩輪銷售董事翁世權（Simon）。幾年前Simon喺舊公司法巴時，就找嚟趙海珠做節目推廣窩輪，成為一時佳話。
對於今次照辦煮碗，Simon話由於公司未來會多搞小型講座，而窩輪又係複雜投資產品，故一直希望搵個有財經工作經驗及口才了得嘅人，與散戶多交流，而Ruby做開主播，與散戶溝通應該冇難度。
從過去幾年嘅挖角例子，就足以證明「由女主播搖身一變為財金界人士」呢條方程式有幾成功。除咗趙海珠之外，前電視財經主播張敏華就加盟咗花旗研究部，而早排同一財經台嘅主播葉文炘亦跳槽到大和幫手賣窩輪。
林燕玲 facebook: https://www.facebook.com/rubylamxx/
林燕玲IG: https://www.instagram.com/lamyinlingruby/
林燕玲微博: http://www.weibo.com/u/1740435311?is_hot=1
