中環伊人 林燕玲 中環人抄牌 靠掃一掃

手機上網是潮流，在中環，特別是做金融行業，不少人都是拿兩部手機出街，一部多數是公司提供，給你覆工作電郵；另一部自己買，查私人訊息。人人埋頭上網，究竟大家睇甚麼？必備App有哪幾個？

現時最流行的即時通訊App有兩個：一個是WhatsApp，另一個是WeChat。近日發現，身邊多了中環人用WeChat，識到新朋友，第一件事不是問你攞電話，而是掃一掃QR Code，加你做「好友」。要緊貼市況，在Office當然用Bloomberg，出到街，最方便就是用AAstocks，睇報價及股票走勢；年初內地股市大升，有些人買港股都不夠，內地B股都不放過，會下載「自選股」或「萬得」，正所謂「數據就是未來」。

在香港，找餐廳用OpenRice，內地同類叫「大眾點評」，經常需要搵枱請客食飯的，不可錯過。最後，內地不少機構都有推出官方App，如中紀委年初就推出了一個，想了解內地政治或國情，又或是特別關心有無官員或國企高管被查，可考慮下載，當作其中一個睇內地消息渠道，不過暫時只有iOS版本，我用Android機，因此未有用過。還有其他好用新聞資訊App，下次再介紹。

http://www.metrohk.com.hk/pda/pda_detail.php?id=296443

林燕玲（逢周四見報）人稱「小飛俠」，專欄作家，曾任職銀行董事、電視台新聞主播及記者

都市日報 P22  |   財經  |   中環伊人  |   By 林燕玲  

告別渣打樂得清閒小飛俠淡妝搶鏡

待業嘅林燕玲心情輕鬆赴會。　黃耀興攝

渣打集團（2888）噚日放榜，業績麻麻之餘，又要供股集資，又要炒人，認真多事。剛於上周一離開渣打嘅前輪證部銷售董事林燕玲（人稱小飛俠）反而樂得清閒，噚晚佢着得靚靚出席「上市公司年度大獎2015」頒獎晚宴。小飛俠一襲黑色緊身連身裙、化個淡妝，睇落好精神。

渣打上周正式摺埋輪證部，大家都八卦小飛俠嘅去向，佢噚日高調現身，當然要八吓喇。小飛俠好從容咁話，未有新卡片派，仲放緊假，剛過去嘅萬聖節就去咗朋友屋企玩，最近有好多人問佢去唔去旅行就真嘅，佢都答到冇氣。

其實佢之前已經飛咗去美國探親兩星期，飛得多對皮膚唔好，都係留港休息吧。早前佢接受訪問亦提過，家陣主要跑步、打泰拳、跟朋友見面，追番喺渣打5年因搏殺而失去嘅時光，指人生中有段時間可以休息吓，都係美事。

講番呢個頒獎晚宴，主人家係股票分析師協會，連續第3年舉辦呢個活動，主要鼓勵上市公司與投資者、本地分析員多啲溝通，加強企業管治，共有24間公司獲獎。今年得獎公司包括長實地產（1113）、周大福（1929）等，「新晉上市公司年度大獎」就有今年轉主板嘅譽宴（1483）、受惠「二孩政策」嘅輝山乳業（6863）等。

現場當然有一大班曝光率高嘅股評人喇，證監投資產品部執董梁鳳儀亦都有嚟，財經事務及庫務局局長陳家強就係主禮嘉賓，眼見陳家強全程都同一班股評人有講有笑，心情相當之靚。

李華華 

LiWaWa@AppleDaily.com